Proposta Didáctica "Matapitos. com"

A proposta didáctica que queremos levar a cabo na aula tras ler o conto de Matapitos.com, está orientada a traballar cos nenos aqueles aspectos máis relevantes do conto.

Introdución:

Chegou o momento da lectura, e como cada día na aula vamos a traballar un conto diferente. Neste caso gustaríanos traballar co conto de Matapitos.com. Este é un conto dedicado a nenos máis maiores pero o que pretendemos á hora de levalo a aula é adaptalo aos nenos de idades máis temperás, de entre 5 e 6 anos. O que se pretende é contarlles unha versión breve e divertida do que ocorre no conto. Escollemos partir dos personaxes máis significativos como son Marta Matapitos, Casilda, O Conserxe, os nenos... para lograr chegar ao interese dos nenos. Estes personaxes son os máis significativos e máis divertidos da obra. Escollemos isto para traballar un pouco as diferenzas, por exemplo: matapitos preséntase como unha bruxa mala e rancorosa, O Conserxe como un home de imaxe desfavorecida e máis ben fea que se namora de Casilda unha muller moi fermosa. É importante para traballar a temática das diferenzas entre iguais na aula.

Nesta proposta de actividades pretendemos acadar os seguintes obxectivos xerais:

• Animar aos nenos á lectura do conto.
• Causar a intriga e as ganas de coñecer o que vai a suceder ao longo da historia.
• Traballar os aspectos máis significativos do conto
• Representar certos momentos significativos.
• Traballar a través do conto as actividades plásticas.
• Desenvolver a creatividade e a imaxinación a través da creación de novas producións.
• Desenvolver a linguaxe oral e a súa expresión a través da memorización de frases representativas de cada personaxe.

Desenvolvemento das sesións:

Primeira sesión.

Actividade 1: “Onde nos leva a imaxinación”

Obxectivos específicos:

• Fomentar a imaxinación dos nenos.
• Traballar a motricidade fina a través da realización das representacións gráficas do conto. 
• Desenvolver a creatividade.
• Familiarizar aos nenos coa temática do conto.

Proposta:

Como todas as mañás chega o momento da lectura, a mestra como é habitual con cada conto previamente á lectura escribe no encerado tres palabras en maiúscula referidas co contido que vai ter o conto. Neste caso escribimos as palabras: MATAPITOS, CONSERXE, ESCURSIÓN. Posterior a isto pídeselles aos alumnos que pensen neses conceptos e anoten algo, que pensen algunha representación gráfica sobre os seus pensamentos, ideas e sentimentos ao respecto. A mestra axudará aos nenos aportándolles ideas e tamén axudando coas representacións. Non establecemos tempos específicos para a súa realización, será unha actividade breve.

Actividade 2: “Matapitos.com”

Obxectivos específicos:

•          Representar os personaxes máis significativos do conto.
•           Traballar as actividades plásticas.
•           Adquirir autonomía propia á hora de realizar actividades.
•           Acercarse as actividades de representación e expresión artística.

Proposta:

Unha vez contado o conto e resoltas todas as dúbidas que os alumnos presentan é o momento de facer unha representación plástica do conto. Vamos a facer unha breve realización de marionetas cos personaxes principais do conto. Os nenos agruparanse en catro grupos para que cada grupo realice unha marioneta diferente. A mestra repartirá a cada grupo un debuxo en cartolina do personaxe para que os nenos o pinten como eles queiran. Unha vez finalizado isto é o momento de pegar a cada personaxe nun pauiño para que nos serva de marioneta. Toda a actividade estará supervisada pola docente e esta axudará aos nenos en todo momento na realización da actividade. Unha vez rematado isto o que faremos será representar moi brevemente a nosa propia versión do conto nun teatriño coas diferentes marionetas.  

Imaxes que exemplifican o traballo que imos abordar.

Imaxes que exemplifican o traballo que imos abordar.

Para levar a cabo actividade contamos sempre coa axuda, intervención e iteración da mestra na proposta. E como todas as actividades non terá uns tempos preestablecidos.

Segunda sesión:

Actividade 1: “De qué nos acordamos?”

Obxectivos específicos:

•           Traballar a linguaxe oral.
•           Incitar aos nenos a que recorden o conto.
•           Promover a creatividade á hora de inventar novas historias.
•           Fomentar a participación e expresión oral.

Proposta:

Ao día seguinte continuamos coa lectura do mesmo conto. Para rematar a proposta o que queremos levar a cabo son tamén actividades para traballar a linguaxe. Neste caso a mestra fará aos nenos unha serie de preguntas para que eles recorden o contado o día anterior. Por exemplo: Quen era Matapitos? Como se namoraron o conserxe e Casilda? Era boa Matapitos? Que pasou na excursión que fixeron os nenos con Matapitos?, etc.

Unha vez que os nenos se encontran outra vez familiarizados con isto o que facemos e incitalos a que un por un nos describan os personaxes do conto, isto será como unha especie de asemblea, cada neno irá aportando algo diferente de cada personaxe ata que saian a relucir todas as características, a mestra axudará e dará pistas en todo momento para facilitarlles o recordo.

A continuación, con todas as características e peculiaridades aportadas polos nenos, o que vamos facer é contar o conto do revés, é dicir, os personaxes bos van a converterse en malos e viceversa. Por exemplo, Marta Matapitos será a boa e Casilda e o Conserxe os malos. Entre todos conseguiremos facer a partires dun conto unha nova historia.

Actividade 2: “O remate...”

Obxectivos específicos:

• Fomentar a imaxinación e a creatividade.
• Acadar destreza nas habilidades motrices á hora de realizar      representacións plásticas.

Proposta:

Imaxe de creación propia. Imaxe de creación propia. Para rematar a sesión propoñemos aos nenos que realicen un debuxo libre. Estiramos no chan papel branco, cada neno poñerase nun oco e con pintura de dedos propoñemos aos nenos que despois de haber traballado o conto nos debuxen aquela escena ou momento que máis lles gustara ou máis significativo para cada un deles. Ao rematar colgaremos o papel facendo un pequeno mural en representación do conto lido.

Breve auto avaliación e conclusións persoais:

Esta proposta consideramos que vai resultar chamativa para os nenos, debido ao seu carácter humorístico. Vailles gustar realizar as actividades propostas, xa que o conto ten diversos personaxes cos que se pode xogar moito pola súa actitude e polas súas características físicas e persoais. Como xa dixemos ao principio traballamos o tema das diferenzas e as desigualdades, que aos nenos soen causarlles moita admiración xa que asocian aos iguais.

Todas as actividades propostas, aínda que son sinxelas, algunha como a realización de marionetas pode resultar máis complexa, xa que a esas idades hai cousas que os nenos aínda non poden realizar como as de recortar. A mestra axudará aos nenos nesa labor. O resto de actividades resultan sinxelas xa que nelas tamén a docente participará en gran medida.

Na nosa opinión, é un conto complexo para levar a cabo cos máis pequenos por iso a nosa proposta vai dirixida a nenos de entre 5-6 anos. Tamén como pretendemos facer nós, podemos versionar o propio conto e xogar máis ben coas imaxes que cun texto moi breve. Levando a cabo o conto desta forma si que é un conto fácil de traballar na aula e que aos nenos lle vai a divertir. Na actividade do debuxo libre por exemplo, xógase moito coa imaxinación de cada neno e poden saír figuras moi boas e extraordinariamente divertidas.